அமெரிக்காவின் பொருளாதார தடை..! ஈரானின் கூட்டாளிக்கு நேர்ந்த கதி…

அமெரிக்காவின் பொருளாதார தடையானது உலகநாடுகளுக்கு பாரிய நெருக்கடியை ஏற்படுத்தும் விடயமாகும்.

அந்தவகையில் ஈரானுடன் சட்டவிரோத வர்த்தகம் செய்ததற்காக 3 இந்திய நிறுவனங்கள் உட்பட பல நாடுகளைச் சேர்ந்த நிறுவனங்களின் மீது அமெரிக்கா தடைகளை விதித்துள்ளது.

ஈரானிய இராணுவத்தின் சார்பாக சட்டவிரோத வர்த்தகம் செய்ததாகவும் மற்றும் ஆளில்லா வான்வழி வாகனம் (UAV) பரிமாற்றத்தை எளிதாக்கியதாகவும் இந்தியாவைச் சேர்ந்த மூன்று நிறுவனங்கள் உட்பட பல சர்வதேச நிறுவனங்களுக்கு அமெரிக்கா வியாழக்கிழமை தடைகளை விதித்துள்ளது.

இந்தியாவைத் தவிர, பல நாடுகளின் நிறுவனங்கள், மக்கள் மற்றும் கப்பல்களுக்கு இந்தத் தடை விதிக்கப்பட்டுள்ளதாக அமெரிக்க கருவூலத் துறை தெரிவித்துள்ளது.

இவை அனைத்தும் ஈரானிய ஆளில்லா விமானங்களை ரஷ்யாவிற்கு ரகசியமாக வழங்குவதில் முக்கிய பங்கு வகிப்பதாக குற்றச்சாட்டுகள் உள்ளன.

இந்த ஆளில்லா விமானங்கள் உக்ரைனுக்கு எதிரான போரில் பயன்படுத்தப்படுகின்றன.

Zen Shipping, Port India Private Limited மற்றும் Sea Art Ship Management (OPC) Private Limited ஆகிய இந்திய நிறுவனங்கள் மீது தடைகள் விதிக்கப்பட்டுள்ளன.

ஈரானின் நிறுவனமான Sahara Thunder மற்ற நாடுகளில் அதன் வணிக நடவடிக்கைகளுக்கு முக்கிய ஆதாரமாக உள்ளது.

இது ஈரான் ராணுவத்தின் கீழ் செயல்படுகிறது. சஹாரா தண்டர் ஈரானிய பாதுகாப்பு அமைச்சகத்திற்கு ஈரானிய பொருட்களை விற்பனை செய்தல் மற்றும் ஏற்றுமதி செய்வதைக் கையாள்கிறது. ரஷ்யாவைத் தவிர, இந்த ஏற்றுமதி சீனா மற்றும் வெனிசுலாவிற்கும் வழங்கப்படுகிறது.