Header Ads Widget

Ticker

6/recent/ticker-posts

திடீரென வெடித்த எரிமலை.. ஆறாக ஓடும் நெருப்பு குழம்பு.. மக்கள் சிதறி ஓட்டம்!

இந்தோனேசியாவின் மிக ஆக்டிவ் எரிமலையான மவுண்ட் மெராபி இன்று இன்று வெடிக்கத் தொடங்கியுள்ளது. புகையை கக்கி 1500 மீட்டருக்கு எரிமலைக் குழம்பு ஓடுகிறது. இதனால் புகை வெளிப்பட்டு மேகம் போல சூழ்ந்துள்ளது.

சுமார் நான்கு மணி நேரத்துக்கு சாம்பல், புகை, கடுமையான பாறைகள் ஆகியவற்றை எரிமலை கக்கி வந்தது. இதற்கு முன் 2010ஆம் ஆண்டில் கவுண்ட் மெராபி வெடித்தது. அப்போது 347 பேர் பரிதாபமாக உயிரிழந்தனர்.



ஏற்கெனவே கடந்த சில வாரங்களில் இந்த எரிமலை வெடித்து சாம்பலையும், புகையையும் மற்றும் கக்கியது. இதையடுத்து அப்பகுதியில் வசித்த மக்கள் பாதுகாப்பு கருதி வேறு இடங்களுக்கு வெளியேறினர். வெளியேறிய மக்கள் வீடு திரும்பிய நிலையில் உடனடியாக மெராபி எரிமலை வெடித்து எரிமலை குழம்பை கக்கி வருகிறது. இதையடுத்து, எரிமலையை சுற்றி ஐந்து கிலோமீட்டர் வட்டாரத்தில் வசிக்கும் மக்கள் வெளியேறும்படி உள்ளூர் நிர்வாகம் எச்சரிக்கை விடுத்துள்ளது.

நிலைமையை மத்திய ஜாவா மற்றும் யோக்கியகர்தா அரசுகள் கூர்ந்து கண்காணித்து வருகின்றன. இந்தோனேசியாவில் பல்வேறு எரிமலைகள் இருக்கின்றன. இதில் மிக ஆக்டிவான எரிமலையாக மெராபி அவ்வப்போது வெடித்து வருகிறது.

கடந்த நவம்பர் மாதம் முதல் மெராபி எரிமலையின் ஆபத்து நிலை புதிய உச்சத்தை தொட்டுள்ளது. கிராமவாசிகளை வெளியேற்ற உள்ளூர் நிர்வாகம் வாகனங்களுக்கு ஏற்பாடு செய்துள்ளது. மக்கள் வசிக்கும் பகுதிகளில் சாம்பல் மழை பொழிந்ததாக இதுவரை புகார்கள் வரவில்லை.

Post a Comment

0 Comments