Header Ads Widget

Ticker

6/recent/ticker-posts

நான் செய்த முதல் வேலை: மனம் திறக்கும் அமெரிக்க துணை அதிபர் கமலா ஹாரிஸ்

 ஜனவரி 20ஆம் தேதியன்று அமெரிக்க துணை அதிபராக கமலா ஹாரிஸ் பதவியேற்றார். கமலாவின் தாயார் ஷியாமலா கோபாலன் தமிழகத்தை சேர்ந்தவர். தந்தையார் டொனால்ட் ஹாரிஸ் ஜமைக்கா நாட்டை சேர்ந்த கருப்பினத்தவர்.

ஷியாமலா கோபாலன் மார்பக புற்றுநோய் ஆராய்ச்சியாளராக பணிபுரிந்தவர். அவர் 2009ஆம் ஆண்டு புற்றுநோயால் உயிரிழந்தார். இந்நிலையில், தனது தாய் பற்றியும், தனது முதல் வேலை பற்றியும் மனம் திறக்கிறார் கமலா ஹாரிஸ்.

மேரிலாண்ட் பகுதியில் உள்ள தேசிய சுகாதார நிறுவனத்துக்கு கமலா ஹாரிஸ் நேற்று பயணம் மேற்கொண்டார். அங்கு நடைபெற்ற நிகழ்ச்சியில் பேசிய கமலா ஹாரிஸ், “என் தாயாருக்கு இரண்டே இலக்குகள்தான். ஒன்று, அவரது இரண்டு மகள்களையும் வளர்ப்பது. மற்றொன்று, மார்பக புற்றுநோய்க்கு முடிவு கட்டுவது.

சொல்லப்போனால், எனது முதல் பணியே என் தாயாரின் பரிசோதனைக் கூடத்தில் உபகரணங்களை கழுவி வைப்பதுதான். பள்ளி முடிந்தபிறகும், வார இறுதி விடுமுறை நாட்களிலும் என்னை பரிசோதனைக் கூடத்துக்கு அழைத்துச் செல்வார். அறிவியலை சுற்றிதான் நான் வளர்ந்தேன்.

அரசின் அத்தியாவசிய சேவையை தேசிய சுகாதார நிறுவனம் வழங்கி வருகிறது. பொது சுகாதாரத்துக்கு பங்களிப்பதே அரசின் அத்தியாவசிய சேவை. இங்கு நடைபெறும் வேலைக்கு ஒரே ஒரு இலக்கு மட்டுமே உள்ளது. அது பொது சுகாதாரத்தை மேம்படுத்துவது. தேசிய சுகாதார நிறுவனத்தின் நோக்கம் லாபம் அல்ல. மக்கள்தான் முக்கியம்” என்று தெரிவித்தார்.

Post a Comment

0 Comments