Header Ads Widget

Ticker

6/recent/ticker-posts

இரு மகள்களை நரபலி கொடுத்த பேராசிரியை ஆடல், பாடல்..! போலீஸ் குழப்பம்

ஆந்திர மாநிலம் சித்தூர் மாவட்டம் மதனப்பள்ளியில் உள்ள சிவாநகர் காலனியில் வசித்து வருபவர்கள் மல்லுரு புருஷோத்தன் நாயுடு - பத்மஜா தம்பதி. இதில் புருஷோத்தன் மதனப்பள்ளியில் உள்ள அரசு பெண்கள் கல்லூரியில் துணை முதல்வராகவும், பத்மஜா தான் நடத்தி வரும் தனியார் கல்லூரியில் பேராசிரியராகவும் பணியாற்றி வருகிறார். இந்த தம்பதிக்கு அலெக்யா (27), சாய் திவ்யா (22) என்ற இரு மகள்கள் உள்ளனர்.கல்வியிலும், செல்வத்திலும் செழித்துள்ள புருஷோத்தன் குடும்பத்தினர் வினோத பூஜைகளில் அதிக நாட்டம் கொண்டவர்களாக இருந்து வந்துள்ளனர்.

தற்போது இருக்கும் வசதி வாய்ப்பை காட்டிலும் பலமடங்கு செல்வதை பெருக்கிக்கொள்ள பல்வேறு பூஜைகளை செய்து வந்துள்ளனர். அதன் உச்சமாக, மகள்களை நரபலி கொடுத்தால் ஏழேழு ஜென்மத்துக்கும் குடும்பம் செழிக்கும் என்று மந்திரவாதி ஒருவர் மூலம் மூட நம்பிக்கையை வளர்த்துள்ளனர்.

அதற்காக சிறப்பு பூஜை ஒன்றை நடத்தி மகள்களை நரபலி கொடுக்க கடந்த ஞாயிற்று கிழமை அன்று திட்டமிட்டுள்ளனர் புருஷோத்தன் - பத்மஜா தம்பதி. அதன் படி ஞாயிற்றுகிழமை அன்று இரவு நரபலி பூஜை நடத்தப்பட்டுள்ளது. அப்போது வீட்டில் இருந்து அலறல் சத்தம் கேட்கவே, அப்பகுதியில் உள்ளவர்கள் புருஷோத்தன் வீட்டின் முன்பு கூடியுள்ளனர். வெளியில் இருந்து இவர்கள் பலமுறை கூச்சலிட்டும், கதவு திறக்கப்படவில்லை. உடனே அப்பகுதியில் உள்ளவர்கள் சித்தூர் காவல் நிலையத்துக்கு தகவல் கொடுத்தனர்.

சம்பவ இடத்துக்கு வந்த போலீசார் பலமுறை கதவை தட்டியும் கதவு திறக்கப்படவில்லை.பின்னர் கதவுடைத்து உள்ளே சென்ற போது, அலெக்யாவும், சாய் திவ்யாவும் நிர்வாண நிலையில் சடலமாக கிடந்துள்ளனர். தொடர்ந்து வீட்டில் சாவகாசமாக பூஜை செய்துகொண்டிருந்த தம்பதியை கைது செய்ய முற்பட்டபோது, '' சில நாட்கள், பொறுமையாக இருங்கள், எங்களது மகள்கள் உயிர்த்தெழுவார்கள் என்று போலீசாரிடம் முறையிட்டுள்ளனர்.

இதற்கிடையில் மாவட்ட டிஎஸ்பி ரவி மனோகராச்சாரி பார்வையிட்டார். தொடர்ந்து ஆம்புலன்ஸ் வரவழைக்கப்பட்டு நரபலி கொடுக்கப்பட்ட இரண்டு மகள்களின் உடல்களையும் பிரேத பரிசோதனைக்காக மாவட்ட மருத்துவமனைக்கு அனுப்பிவைத்தனர். மூடநம்பிக்கையின் பேரில் மகள்களை இரக்கமின்று கொலை செய்த பெற்றோரை கடந்த 25 ஆம் தேதி கைது செய்தனர்.

அதில் பத்மஜாவை கொரோனா பரிசோதனைக்கு கொண்டு சென்றபோது, அவர் மனநிலை சரியில்லாதவரை போல நடந்துகொண்டார். மேலும், கொரோனா வைரஸ் சீனாவில் இருந்து பரவவில்லை என்றும், உலகத்தில் உள்ள தீயவர்களை அழிக்க கடவுளால் உருவாக்கப்பட்டது என்றும் பிதற்றினார். தொடர்ந்து அவரையும், கணவர் புருஷோத்தன் நாயுடுவையும் நீதிமன்றத்தில் ஆஜர்படுத்தினர். இளம்பெண்கள் நரபலிக்காக கொலை செய்யப்பட்டார்களா? அல்லது வேறேதேனும் காரணம் உள்ளதா என்ற கோணத்தில் மேலும் சிலரிடமும் விசாரணை நடத்தப்பட்டு வருவது குறிப்பிடத்தக்கது.

Post a Comment

0 Comments