Header Ads Widget

Ticker

6/recent/ticker-posts

அடேங்கப்பா இவ்வளவு பெருசா? பயன்பாட்டிற்கு வந்த அடல் குகை நெடுஞ்சாலை!

ஹிமாச்சல் பிரதேசத்தின் லடாக்கில் இருந்து லே பகுதி வரையிலான 46 கிலோமீட்டர் தூரத்தை 5 மணி நேரத்தில் கடக்கும் வகையில் ரோதங் பகுதியில் குகை நெடுஞ்சாலை அமைக்கப்பட்டுள்ளது. இதற்கு ‘அடல் குகை’ என்று பெயரிடப்பட்டுள்ளது.

10 ஆண்டுகள் தொடர் உழைப்பால் கட்டி முடிக்கப்பட்டுள்ளது. இதனை இன்று காலை பிரதமர் மோடி நாட்டிற்கு அர்ப்பணித்தார். அப்போது பாதுகாப்புத்துறை அமைச்சர் ராஜ்நாத் சிங் மற்றும் ராணுவத் தலைவர் ஜெனரல் பிபின் ராவத் உள்ளிட்டோர் உடனிருந்தனர். வாஜ்பாய் பிரதமராக இருந்த போது ஜூன் 3, 2000ல் ரோதக் குகை நெடுஞ்சாலையை உருவாக்க முடிவு செய்யப்பட்டது.

இதற்கான அடிக்கல் நாட்டு விழா மே 26, 2002ல் அமைக்கப்பட்டது. அடல் பிகாரி வாஜ்பாய் நினைவாக இந்த நெடுஞ்சாலைக்கு ‘அடல் குகை’ என்று பிரதமர் மோடி அரசு பெயரிட்டுள்ளது. கடந்த டிசம்பர் 2019ல் உடல்நலக்குறைவால் முன்னாள் பிரதமர் வாஜ்பாய் காலமானார்.

உலகின் மிக நீளமான குகை நெடுஞ்சாலையாக 9.02 கிலோமீட்டர் தூரம் கொண்டது அடல் நெடுஞ்சாலை. இமயமலையின் பிர் பிஞ்சால் பகுதியில் கடல் மட்டத்தில் இருந்து 10 ஆயிரம் அடி உயரத்தில் இது அமைந்துள்ளது.

அடல் குகையின் தெற்கு முனை மணாலியில் இருந்து 25 கிலோமீட்டர் தொலைவில் இருக்கிறது. வடக்கு முனை லஹவுல் பள்ளத்தாக்கில் டெலிங் கிராமத்தில் போய் முடிகிறது. குதிரையின் காலணி போன்று ஒற்றை ட்யூப் போன்று குகை அமைந்துள்ளது.

இது ஆண்டின் 365 நாட்களும் மணாலியில் இருந்து லஹவுல்-ஸ்பிடி பள்ளத்தாக்கு பகுதிக்கு செல்வதற்கு உதவி புரியும். முன்னதாக கடுமையான பனிப்பொழிவு காரணமாக ஒவ்வொரு ஆண்டும் ஆறு மாதங்கள் இந்த வழித்தடத்தை பயன்படுத்த முடியாமல் இருந்தது.

இதற்கு தற்போது தீர்வு காணப்பட்டுள்ளது. இந்த குகை நெடுஞ்சாலையில் ஒரே நாளில் 3,000 கார்களும், 1,500 ட்ரக்குகளும் அதிகபட்சமாக மணிக்கு 80 கிலோமீட்டர் வேகத்தில் பயணிக்கலாம்.


Post a Comment

0 Comments