Header Ads Widget

Ticker

6/recent/ticker-posts

மெக்சிகோவில் குட்டி டைனோசர் போன்ற ராட்சத எலி?

மெக்சிகோவில் கழிவுநீர் கால்வாய் அடைப்பை சரிசெய்யும் பணியின் போது, கண்டெடுக்கப்பட்ட மெகா சைஸ் கொண்ட ராட்சத எலி பெரும் பரபரப்பை ஏற்படுத்தி உள்ளது.

மெக்சிகோவில் கழிவுநீர் கால்வாய் அடைப்பு சரிசெய்யும் பணி நடைபெற்று வந்தது. அப்போது 22 டன் அளவுள்ள குப்பைகள் அகற்றப்பட்டன. அப்போது கழிவுநீர் கால்வாய் அகற்றும் பணியில் ஈடுபட்டிருந்த ஊழியர்கள் அங்கு சிக்கி கிடந்த ஒரு ராட்சத எலியை கண்டு அதிர்ச்சிக்குள்ளாகி ஒட்டம் பிடித்தனர். பின்னர் மனதை திடப்படுத்திக்கொண்டு அதை பிடித்து, சாலைக்கு கொண்டு வந்து போட்டனர்.

பார்ப்பதற்கு குட்டி டைனோசர் போல காட்சியளிக்கும் இந்த ராட்சத எலியை ஆய்வு செய்த போது, இது உண்மையான எலி அல்ல என்றும், ஹலோவீன் திருவிழாவிற்காக அங்கு ஏற்படுத்தப்பட்ட மெகா எலி பொம்மை என்றும் தெரியவந்துள்ளது.

இந்த மெகா சைஸ் எலி பொம்மை புயல் மற்றும் வெள்ளத்தில் அடித்துக்கொண்டு வரும் போது, சாலையின் அடிப்புறத்தில் செல்லும் கழிவு நீர் கால்வாய்க்குள் சிக்கிக்கொண்டிருக்கலாம் என தெரியவந்துள்ளது. எனினும் இத்தகைய சைஸில் எலியை இதற்கு முன்பு பார்த்ததில்லை என்பதால் பலரும் ஒரு வித அச்சத்துடன் இதை பார்த்து சென்றனர். இந்த ராட்சத எலியால் அங்கு பெரும் பரபரப்பு ஏற்பட்டுள்ளது.

எஸ். முத்துக்குமார்

Post a Comment

0 Comments